yun nah mil mujh se khafa ho jaisay
sath chal mouj Saba ho jaisay

log yun dekh ke hans dete hain
to mujhe bhool gaya ho jaisay

ishhq ko shirk ki had tak nah barha
yun nah mil hum se kkhuda ho jaisay

mout bhi aayi to is naz ke sath
mujh pay ahsaan kya ho jaisay

aisay anjaan banay baithy ho
tum ko kuch bhi nah pata ho jaisay

hichikiyaan raat ko aati hi rahen
to ne phir yaad kya ho jaisay

zindagi beeet rahi hai دانشؔ
aik be jurm saza ho jaisay